اسلام آباد کی ایک احتساب عدالت نے پیر کو قومی احتساب بیورو (نیب) کی جانب سے 19 کروڑ پاؤنڈز کیس میں سابق وزیراعظم عمران خان کے جسمانی ریمانڈ میں توسیع کی درخواست مسترد کردی۔

عدالت نے اس کے بجائے پاکستان تحریک انصاف (پی ٹی آئی) کے چیئرمین کو 14 روزہ جوڈیشل ریمانڈ پر بھیج دیا۔

اسلام آباد کی احتساب عدالت I کے جج محمد بشیر نے کرپشن کیس کی سماعت کی، راولپنڈی کی اڈیالہ جیل میں ہونے والی سماعت کے دوران بنیادی ملزم عمران اور اس کی اہلیہ بشریٰ بی بی بھی موجود تھے۔

سماعت کے دوران عمران خان کی بہنیں علیمہ خانم اور نورین خانم بھی موجود تھیں۔

گزشتہ سماعت پر فاضل جج نے نیب کو ہدایت کی تھی کہ تحقیقات مکمل کرکے آج رپورٹ پیش کی جائے۔ اتوار کو نیب کی ٹیم نے سابق وزیراعظم سے اڈیالہ جیل میں 13 گھنٹے تک پوچھ گچھ کی۔

آج کی سماعت کی تیاری کے لیے جیل کے احاطے کے اندر اور اطراف میں سخت حفاظتی انتظامات کیے گئے تھے۔